Home NATIONWIDE Pag-IBIG Fund may raffle promo para humikayat ng bagong miyembro

Pag-IBIG Fund may raffle promo para humikayat ng bagong miyembro

MANILA, Philippines – Naglunsad ang Home Development Mutual Fund (HDMF), o Pag-IBIG Fund, ng isang promo para hikayatin ang mga Filipino na maging miyembro ng naturang ahensya.

Ito ay sa pamamagitan ng “Pag-IBIG 1 Plus 1 Raffle Promo” na humihimok sa mas marami pang overseas Filipino workers (OFWs), self-employed individuals, online sellers, at informal sector workers na magparehistro bilang miyembro.

Ang promo ay para sa mga aktibong miyembro na nakapag-ipon sa kanilang Pag-IBIG Regular Savings sa loob ng tatlong buwan, na tinatawag nilang “PagIBIGfluencers.”

Maaari ang mga ito na mag-imbita ng kahit isang OFW o informal sector worker na maging bagong miyembro o magpa-reactivate ng Pag-IBIG membership (the “Plus 1”).

“Through the 1 Plus 1 Raffle Promo, we can reach more Filipino workers and provide them with avenues to save for their future and obtain affordable homes, especially under our Pambansang Pabahay Para sa Pilipino Housing (4PH) Program,” ani Secretary Jose Rizalino Acuzar of the Department of Human Settlements and Urban Development (DHSUD), na chairman din ng 11-member Pag-IBIG Fund Board of Trustees.

May tsansa ang mga lalahok na manalo ng hanggang P500,000 sa Grand Draw.

Ang mga interesadong lumahok ay maaaring bumisita sa https://www.pagibigfundservices.com/1plus1/.

Tatagal ang promo hanggang Nobyembre 30, 2025. RNT/JGC