MANILA, Philippines – Iniutos ng Philippine National Police (PNP) nitong Miyerkules na ireview ang police protocols para sa mga personnel na nasa restrictive custody habang may kasong kriminal o administratibo.
Ito ay kasunod ng insidente noong Martes ng umaga kung saan isang police officer sa CIDG Anti-Organized Crime Unit (AOCU) sa Camp Crame, Quezon City ang nagtusok sa isa sa kanyang co-accused sa kasong P13.4 milyong pagnanakaw.
Ayon kay Acting PNP Chief Lt. Gen. Jose Melencio Nartatez Jr., “I have already directed all units and offices to conduct a review of the existing protocol to prevent the repeat of this unfortunate incident.”
Dagdag pa niya, bahagi ng rerebyuhin ay kung paano dapat tumugon ang custodians sa pagbabago ng ugali ng personnel under custody, dahil ang suspek ay iniulat na nagpakita ng “sudden change in behavior” bago ang insidente.
Ang suspek ay nasa kustodiya ng pulis para humarap sa karagdagang kaso ng frustrated murder, habang ang biktima ay dinala sa PNP General Hospital sa Camp Crame para sa paggamot. RNT/MND
