Manila, Philippines — Binalewala lang ni Deputy Minority Leader at ACT Teachers Party-list Rep. Antonio Tinio ang pahayag ng administrasyon na bumagal sa 6.4 porsyento ang inflation rate noong June gayong nagpapatuloy aniya ang paghihirap ng mga Pilipino dahil sa mataas na presyo ng pagkain, gasolina, at pangunahing pangangailangan.
“Saan banda ang 6.4 percent inflation na sinasabi ng gobyerno? Patuloy na tumaas ang presyo ng pagkain, langis, at bilihin. Bawat piso ng mga guro at mamamayan ay bumababa ang halaga at mas kaunti ang nabibili. Ito ang tunay na karanasan ng bayan, hindi ang mga numerong inilalabas sa press statement.”
Iginiit pa ng kongresista na ang Philippine Statistics Authority (PSA) ay nakapagtala ng pagbagal ng transport inflation nitong nagdaang buwan, pagsipa ng presyo ng langis, at patuloy na pagtaas sa presyo ng diesel na nasa P70–P80 bawat litro, na siyang nagiging daan upang tumaas na rin ang pamasahe, kuryente, at iba pa.
“The government wants credit for a slight dip in one month while ignoring the structural crisis,” Tinio said. “Food inflation is still at 5.4 percent. Transport costs remain punishing. These are not abstract numbers — these are the prices teachers and workers pay every single day just to survive.”
Sinabi ni Tinio na maituturing aniyang ampaw ang naratibo ng administrasyon sa pagbaba ng implasyon gayong sa totoo ay tumaas pa ito mula 4.1 percent sa 4.4 percent.
“Gustong takpan ng Marcos Jr. admin ang tunay na problema. Habang sinasabi nilang bumaba ang inflation, patuloy na lumalaki ang bilang ng mga gutom at hirap na pamilya. Ito ay kasinungalingan na ginagamit para hindi tukuyin ang patuloy na krisis.”
Dahil dito ay itinulak ng mambabatas ang mabilis na pag-apruba sa pagdaragdag ng Personnel Economic Relief Allowance (PERA) ng mga guro at government employees — na hanggang ngayon ay nasa P2,000 pa noon pang 2009 — at aniya, kailangan na rito ang inisyatibo ng gobyerno upang maipatupad ang fuel deregulation.
“Stop the gaslighting,” Tinio said. “Real relief means real money in the pockets of workers now, not press releases celebrating marginal statistical improvements while people go hungry. The government must act, not spin.”
