MANILA, Philippines- Inaprubahan ng Department of Public Works and Highways (DPWH) ang paggamit ng polyethylene terephthalate (PET) plastic bottle waste sa mga susunod na road projects ngunit nagbabala ang isang advocacy group na magdudulot ito ng panganib sa kapaligiran.
Nilagdaan ni DPWH Secretary Manuel Bonoan ang isang department order na ginawang pormal ang paggamit ng bituminous concrete surface course na may PET plastic bottle waste.
Ang inisyatibang ito ay batay sa 2024 na paglulunsad ng ahensya ng low-density polyethylene (LDPE) na basurang plastic bag sa paggawa ng kalsada.
Ang updated specification ay kasama na ngayon sa Standard Specification ng DPWH para sa Highways, Bridges, and Airports, Volume II, at isinama sa Project and Contract Management Application nito para sa buong bansa na paggamit.
Ngunit ito ay umani ng batikos mula sa Greenpeace Philippines, na nagbabala tungkol sa mga panganib sa kapaligiran at kalusugan na dulot ng mga basurang plastik.
Sinabi na ang paggamit ng mga basurang plastik sa paggawa at pagpapanatili ng mga kalsada ay “lumilikha lamang ng mas maraming problema para sa kapaligiran at kalusugan ng publiko.”
Iminungkahi ng Greenpeace na bawasan ang produksyon ng plastik, pagbabawal sa mga single-use na plastik at pagpapatupad ng mga tunay na sistema ng muling paggamit bilang mga solusyon sa problema sa polusyon. Jocelyn Tabangcura-Domenden
