MANILA, Philippines – Sinuspinde ng Commission on Elections (Comelec) ang paghahanda nito para sa unang Bangsamoro parliamentary elections simula Miyerkules, ayon kay Comelec Chairperson George Erwin Garcia.
Sinabi ni Garcia na ito ay bilang pagsunod sa temporary restraining order na inilabas ng Korte Suprema sa poll body at sa Bangsamoro Transition Authority mula sa pagpapatupad ng batas na muling namamahagi ng pitong puwesto na orihinal na inilaan sa Sulu.
“Today, the Comelec en banc, in compliance with the temporary restraining order issued yesterday by the Supreme Court, is suspending preparations for the conduct of the elections on October 13,” sabi ni Garcia.
Sa gitna ng pagsususpinde ng mga paghahanda, sinabi ni Garcia na hindi pa rin tiyak ang sagot kung matutuloy ang halalan sa Oktubre 13, ng taong kasalukuyan. Jocelyn Tabangcura-Domenden
