Home NATIONWIDE Paghahatid ng health services ‘di nasasagasaan ng US aid freeze – DOH

Paghahatid ng health services ‘di nasasagasaan ng US aid freeze – DOH

MANILA, Philippines- Tiniyak ng Department of Health (DOH) sa publiko nitong Huwebes na hindi maaapektuhan ang paghahatid ng health services sa mga Pilipino sa kabila ng pansamatalang suspensyon ng tulong mula sa United States.

Sinabi ng DOH na pinangangasiwaan ni Health Secretary Ted Herbosa ang multilateral arrangements sa iba’t ibang bansa “to support health systems strengthening activities towards universal health care for many conditions of all Filipinos.”

“The delivery of health services by DOH and the expansion of PhilHealth benefit packages continues unimpeded,” pahayag ng ahensya.

Matapos ang kanyang inagurasyon, ipinag-utos ni US President Donald Trump ang 90-day pause upang busisiin kung nakahanay ang aid allocation sa kanyang foreign policy, na nagresulta sa pag-isyu ng US State Department ng “stop-work” order para sa lahat ng foreign assistance. RNT/SA