MANILA, Philippines – Iniutos ni Transport Secretary Vince Dizon, nitong Martes na maglagay ng wayfinders at mas malalaki pang karatula para sa libreng inter-terminal shuttle service sa tatlong terminal ng Ninoy Aquino International Airport (NAIA).
Sa naganap na inspection sa NAIA Terminal 3, pahayag ni Dizon na ang maaayos na karatula ang magtitiyak na malalaman ng mga pasahero ang libreng serbisyo at hindi sila dapat umasa sa mga abusadong taxi. Sinubukan din niya ang pagsakay sa airport shuttle at nakipag-usap sa mga pasahero upang kuhanin ang kanilang feedback.
“Itong free shuttle, hindi nila alam ‘to. Kung alam nila ‘to, hindi naman sila magta-taxi,” aniya. RNT/MND
