MANILA, Philippines- Tinanggap ng Taiwan ang naging desisyon ng gobyerno ng Pilipinas na pagaanin ang official engagements na may kaugnayan sa ‘trade and investments’ sa Taipei.
Ang nasabing hakbang ay senyales ng mas maraming “substantive cooperation” sa Maynila.
Nauna rito, isang memorandum ang nilagdaan ni Executive Secretary Lucas Bersamin noong April 21 na nagsasaad na ang ilang mga paghihigpit sa pakikipag-ugnayan sa gobyerno ng Pilipinas sa Taiwan ay magiging madali para i-promote ang ekonomiya, kalakalan at pagkakaugnay sa pamumuhunan.
“Taiwan Foreign Minister Lin Chia-lung expressed his appreciation for the Philippine government’s pragmatic efforts to promote Taiwan-Philippines relations, and believed that the Philippines’ new regulations will help Taiwan continue to deepen substantive cooperation with the Philippines under its comprehensive diplomacy,” ang nakasaad sa kalatas ng Ministry of Foreign Affairs ng Taiwan.
Ang Taiwan, nagsisilbing host para sa 115,000 Filipino workers, ay itinuturing na 8th largest export market ng Pilipinas; 9th largest trading partner, at 10th largest source ng imports, ayon sa MOFA.
Ang Maynila at Taipei ay walang formal diplomatic ties bilang paggalang sa One-China Policy. Ang Taiwan ay kinakatawan ng Taiwan Economic and Cultural Office (TECO), umaakto bilang de-facto embassy sa Pilipinas habang ang Philippine counterpart sa Taipei ay tinatawag naman ng Manila Economic and Cultural Office o MECO.
Sa kabilang dako, ang bagong Philippine government circular ukol sa Taiwan sa ilalim ng Marcos administration ay naghahangad “to further maximize opportunities for the development and expansion of the Philippines’ priority areas of investment.”
Inamyendahan nito ang implementasyon ng Executive Order No. 313, ipinalabas noong 1987 ni dating Pangulong Corazon Aquino, na nagbabawal sa lahat ng opisyal ng gobyerno na bumisita sa Taiwan o opiosyal na tumanggap ng Taiwanese delegations dahil sa One-China Policy
“As Philippine President Ferdinand Romualdez Marcos Jr. has repeatedly emphasized in the past, peace and stability in the Taiwan Strait is a top priority, and peace, security, and stability concern all countries. Taiwan will continue to work with its democratic allies, including the Philippines, to contribute to regional prosperity, peace, and stability,” ang sinabi ng Taiwanese MOFA.
Samantala, ang 2025 circular, sa kabilang dako, pinananatili ang travel ban sa Pangulo ng Pilipinas, Vice President, Kalihim ng Foreign Affairs, at Kalihim ng National Defense.
Ang iba namang opisyal ng pamahalaan ay pinapayagan na magpunta sa Taiwan para sa ‘economic, trade, at investment purposes’ subalit kailangan na gumamit ng ordinary passports at dapat na umiwas na gamitin ang kanilang official titles.
Pinagaan din ng memo ang mga alituntunin sa pagtanggap ng Taiwanese delegations sa Pilipinas at ang Filipino officials ay maaari nang mag-host ng delagasyon mula sa Taiwan para sa economic, trade at investment activities.
Gayunman, walang kasunduan o memoranda of understanding ang kinakailangan na lagdaan kasama ang “any Taiwanese organization or agency without clearance from the DFA” at kung kinakailangan, Tanggapan ng Pangulo. Kris Jose
