Pagsama ni Issa kay James sa Australia, pinag-uusapan!

Manila, Philippines – Pinag-uusapan ang isang video kung saan spotted si James Reid sa airport kasama ang dyowang si Issa Pressman.

Ayon sa mga katekatera at sawsawera, sinamahan ni Issa si James para sa partisipasyon ng huli sa ASAP XP Australia 2026 concert.

Umani naman ng samu’t-saring reaksyon sa kibitzers ang nasabing sighting nang mapag-usapan sa umpukan ng mga tsismosang kapitbahay.

Ito ang ilan sa kanilang mga hirit.

“Bakit laging nakabuntot si Issa kay James? Kasama ba siya sa show?”

“Si Issa ba ang stylist at tumatayong PA ni James?”

“Request na rin ni James na isama siya.”

“Guwardiyado ni Teh si Aussie boy.”

“Baka may meet the parents na.”

“Gagawa ng baby sa Australia.”

“Hitting two birds in one stone. Work and honeymoon. Hehe.”

“Sobra talagang in lababu sila sa isa’t-isa at hindi mapaghiwalay.”

Matatandaang sa isang panayam, sinabi ni James na wish daw niya na totoong buntis si Issa nang mausisa kung may katotohanang buntis ang partner.

Si James ay balik sa paggawa ng serye after 9 years via “Someone, Someday” kung saan kasama niya sina Kathryn Bernardo at Maja Salvador. Archie Liao