MANILA, Philippines – Hindi pa makikialam si Pangulong Ferdinand Marcos Jr. sa posibleng paghahain ng reklamong graft dahil sa alegasyon sangkot si Health Secretary Teodoro Herbosa at isang undersecretary, ayon kay Palace press officer Claire Castro.
Si Herbosa ay naiipit ngayon matapos hilingin ng grupo ng mga health worker sa Office of the Ombudsman na imbestigahan ito at si Health Undersecretary Albert Domingo sa posibleng graft kaugnay sa state-funded business-class trip patungong Switzerland.
“For now, the president will not reprimand anyone because he has not seen any evidence of wrongdoing,” ani Castro.
“Perhaps once the Office of the Ombudsman has issued a resolution, the president will take action,” dagdag pa niya.
Sa liham na may petsang Hunyo 4, hinimok ng Alliance of Health Workers (AHW) ang Office of the Ombudsman na magsagawa ng “immediate, unsparing investigation” kay Herbosa at Domingo.
Ito ay nag-ugat sa paglalabas ni Herbosa ng Department Personnel Order No. 2026-2590-A noong Mayo 11, na nag-upgrade sa travel arrangements ni Domingo sa economy class patungong round-trip business-class airfare para sa biyahe papuntang Geneva, Switzerland kung saan ginanap ang 79th World Health Assembly mula Mayo 17 hanggang 23.
“There is no operational necessity for an undersecretary to be pampered in business class,” sinabi ng grupo.
“An economy seat does not diminish a bureaucrat’s capacity to sit through a conference or represent the country,” dagdag pa.
Bukas naman si Domingo sa imbestigasyon habang wala pang komento si Herbosa kaugnay nito.
Dati na ring pinangalanan si Herbosa at tatlo iba pang opisyal ng Department of Health officials sa siyam na pahinang reklamo kaugnay sa umano’y bid-rigging sa procurement ng mobile primary care facilities na nagkakahalaga ng P1.8 bilyon.
Ang graft complaint na inihain laban kay Herbosa ay sumasailalim pa sa evaluation hanggang noong Marso 2026.
Nahaharap din sa hiwalay na graft complaint si Herbosa sa nasayang na P1.5 bilyong halaga ng gamot at bakuna. RNT/JGC
