MANILA, Philippines – Makaaapekto pa rin ang Intertropical Convergence Zone (ITCZ) sa Palawan habang ang easterlies ay makakaapekto naman sa silangang bahagi ng bansa sa Huwebes, iniulat ng PAGASA.
Ang Palawan ay magkakaroon ng maulap na papawirin na may kalat-kalat na mga pag-ulan at pagkidlat-pagkulog dahil sa ITCZ na may mga pagbaha o pagguho ng lupa na posibleng mangyari dahil sa katamtaman hanggang sa kung minsan ay malakas na pag-ulan.
Ang Caraga at Davao Region ay magkakaroon ng maulap na papawirin na may kalat-kalat na pag-ulan at pagkidlat-pagkulog dahil sa easterlies na may posibilidad na magkaroon ng flash flood o landslide dahil sa katamtaman hanggang sa kung minsan ay malakas na pag-ulan.
Ang Cagayan Valley, Aurora, Quezon, Bicol Region, at Silangang Visayas ay magkakaroon ng bahagyang maulap hanggang sa maulap na papawirin na may pulu-pulong mga pag-ulan o pagkidlat-pagkulog dahil sa easterlies na may flash flood o landslide na posibleng magaganap sa panahon ng matinding pagkidlat-pagkulog.
Ang Metro Manila at ang nalalabing bahagi ng bansa ay magkakaroon ng bahagyang maulap hanggang sa maulap na papawirin na may pulu-pulong mga pag-ulan o pagkidlat-pagkulog dahil sa mga localized thunderstorm na may flash flood o landslide na posibleng mangyari sa panahon ng matinding pagkulog.
Ang buong bansa ay makakaranas ng mahina hanggang sa katamtamang bilis ng hangin na kumikilos sa direksyong silangan hanggang timog-silangan habang ang mga baybaying dagat ay magiging mahina hanggang sa katamtaman.
Sumikat ang araw bandang 5:32 a.m., at lulubog ito ng 6:30 p.m. RNT
