Home NATIONWIDE Pamantasan ng Cabuyao pinagpapaliwanag ng CHED sa ‘English-only policy’

Pamantasan ng Cabuyao pinagpapaliwanag ng CHED sa ‘English-only policy’

MANILA, Philippines – Hinimok ni Commission on Higher Education (CHEd) Chair Prospero de Vera III ang pangulo ng Pamantasan ng Cabuyao na linawin ang “English-only policy” nito matapos umani ng kabi-kabilang batikos.

Inabisuhan ni De Vera III ang university chief na mag-isyu ng pahayag sa media para ipaliwanag ang naturang polisiya.

“I have already talked to the Pamantasan ng Cabuyao president to understand the basis and intent of his proposed policy,” sinabi ni de Vera nitong Miyerkules, Pebrero 5.

“I advised him to immediately issue a press release to explain and clarify the issue and to respond to media interviews,” pagpapatuloy niya.

“It is best that the media interview him so he can explain the proposed policy.”

Nitong Lunes, sinabi ng unibersidad na ang English-only policy ay layong palakasin ang academic excellence at global competitiveness.

Hindi pa naglalabas ng paglilinaw ang unibersidad sa kasalukuyan.

Sinupalpal naman ng historian na si Xiao Chua ang naturang hakbang na tinawag niyang “slave mentality.”

“English only to be globally competitive? Que horror!” RNT/JGC