Pampanga State U binulabog ng bomb threat

PAMPANGA — Walang natagpuang bomba sa Pampanga State University matapos ang bomb threat na nagpatigil sa apat na graduation ceremony para sa mahigit 4,000 estudyante nitong Agosto 14 at 15.

Ayon kay Col. Eugene Marcelo, nilinis ng EOD teams at K9 units ang Dr. Ernesto T. Nicdao Sports Complex sa Bacolor matapos makatanggap ang isang estudyante ng banta sa pamamagitan ng text.

Naputol ang unang seremonya noong Huwebes ng umaga, at di nakapagmartsa ang humigit-kumulang 500 estudyante.

Ipinagpaliban ng PSU ang natitirang seremonya habang iniimbestigahan ng pulisya ang nagpadala ng banta. Wala pang bagong iskedyul para sa graduation. RNT