MANILA, Philippines – Nagbabala si Senador Francis “Kiko” Pangilinan nitong Sabado, Abril 4 laban sa mga trader at retailer sa profiteering at hoarding ngayong nagpapatuloy ang giyera sa Middle East.
Nagpaalala si Pangilinan, chairman ng Senate Committee on Agriculture, Food, and Agrarian Reform na ang Semana Santa ay dapat na magpaalala sa lahat ng sakripisyo ni Kristo at hindi sa pagiging oportunista.
“If you sell basic goods at grossly excessive prices, the law is very clear, that is profiteering and you can go to jail for it,” ayon sa senador.
Inilarawan niya ang profiteering at hoarding bilang “plainly illegal and immoral,” lalo na sa kalbaryong dinaranas ng mga Filipino sa nagtataasang presyo ng mga produkto.
Aniya, sa ilalim ng Price Act (Republic Act No. 7581, as amended by RA 10623), ang price manipulation ng basic necessities at prime commodities ay mahigpit na pinarurusahan sa batas.
“The Price Act gives the government the power to act swiftly against those who hoard stocks or arbitrarily hike prices of rice, vegetables, meat, fish, and other basic necessities,” sinabi pa ni Pangilinan.
Sa ilalim ng batas, ang profiteering ay nangangahulugang pagbebenta o pag-aalok ng basic necessity o prime commodity sa mas mataas na presyo sa tunay na halaga nito, habang ang hoarding naman ay ang pagtatago ng mga produkto ng lampas sa normal na lebel o ang pagsasadyang itago ito sa publiko para pataasin ang presyo.
“These are criminal offenses. Profiteering and hoarding can mean imprisonment of several years and hefty fines, on top of closure of your business and cancellation of permits,” ani Pangilinan.
“Our economic managers and enforcement teams are watching the markets closely,” dagdag pa niya.
“DTI is keeping an eye on supermarkets and groceries, while DA is monitoring prices of rice, vegetables, meat, fish and other agricultural products in wet markets.”
Nanawagan naman si Pangilinan sa mga consumer na isumbong ang mga paglabag.
Pinuri naman niya ang mga tapat na negosyo at patas na trader na hindi inaabuso ang krisis. RNT/JGC
