MANILA, Philippines – Naghain si Akbayan Party-list Rep. Chel Diokno ng panukalang batas na magpaparusa sa mga taong nag-uudyok, nananakot, o nagbabayad sa iba upang magsinungaling sa ilalim ng panunumpa.
Sa ilalim ng House Bill No. 9851, kikilalanin bilang hiwalay na krimen ang “subornation of perjury” o ang paghimok sa isang tao na magbigay ng maling testimonya o magsumite ng huwad na affidavit sa mga judicial at quasi-judicial proceedings.
Ayon kay Diokno, hindi lamang ang taong nagsinungaling ang dapat managot kundi maging ang mga nasa likod ng pagpapasinungaling.
“The individual who orchestrates, procures, or pressures another to provide false testimony is the principal architect of the deception and poses a direct threat to the administration of justice,” ani Diokno.
Sa ilalim ng panukala, ang sinumang “procures, coerces, or otherwise induces another to commit any perjury” ay papatawan ng kaparehong parusa na itinakda sa Revised Penal Code para sa krimeng perjury.
Kung opisyal o empleyado ng gobyerno ang lumabag, ipapataw ang pinakamataas na antas ng parusa at perpetual absolute disqualification o habambuhay na pagbabawal na humawak ng anumang appointive o elective position sa pamahalaan.
“When a public officer uses the powers or prestige of public office to induce another to testify falsely, the resulting harm extends beyond a particular case and undermines public trust in government institutions,” paliwanag ni Diokno.
Ayon sa mambabatas, layunin ng panukala na maprotektahan ang integridad ng mga paglilitis at matiyak na malayang makapagsasabi ng totoo ang mga testigo.
“Our justice system can only work when people can testify freely and truthfully. By holding accountable those who pressure others to lie, we are able to restore public trust in our institutions and protect every Filipino’s right to fair justice,” dagdag niya. Gail Mendoza
