BAGUIO CITY, Philippines – Hinahatulan ng 40 taon sa bilangguan ang isang Katolikong pari dahil sa paggahasa sa isang menor de edad noong Marso 2023 sa Baguio City.
Noong Disyembre 17, napatunayang guilty ang pari sa tatlong kaso ng rape ng Baguio City Regional Trial Court. Inutusan ang agarang paglilipat niya sa New Bilibid Prison sa Muntinlupa City.
Kailangan din niyang bayaran ang biktima ng P75,000 bilang civil damages, P75,000 bilang moral damages, at P75,000 bilang exemplary damages sa bawat kaso, kasama ang interes na 6% kada taon mula sa petsa ng final na desisyon hanggang sa mabayaran lahat.
Ang biktima ay isang 16-anyos na estudyante na naninirahan sa isang compound noong siya ay ginahasa ng pari. Bagamat itinanggi ng pari ang akusasyon, nakita ng korte na malakas at kapani-paniwala ang testimonya at ebidensya ng biktima. RNT/MND
