MANILA, Philippines – Sa gitna ng panibagong pagtaas sa singil sa kuryente, hiniling ni Senador Risa Hontiveros sa Energy Regulatory Commission (ERC) na magkaroon ng awtomatikong rebuy sa pass-through mechanism dahil hindi na nasusuri ang nakaraang power rates increase.
“Review first, collect later. Kailangang patunayan at ipaliwanag muna ang bawat sentimong sisingilin bago ito ipasa sa konsyumer. Dapat ganyan ang polisiya natin. Bakit nga ba hindi puwedeng suriin ng ERC ang mga pass through charges bago ipasa sa konsyumer? Baligtad kasi ang sistema natin: pinagbabayad muna ang taumbayan bago lubusang masuri kung tama at makatwiran ang singil,” ayon kay Hontiveros.
Nakatakda sa Electric Power Industry Reform Act na pawang recoverable costs ang generation, transmission, distribution, and other eligible expenses na pinamamahalaan ng ERC.
“However, under existing ERC rules, adjustments in pass-through charges, such as generation costs driven by fluctuations in fuel prices, are automatically collected from consumers by distribution utilities and remitted to power suppliers,” ayon kay Hontiveros.
Binanggit ni Hontiveros na kumakatawan ang generation, transmission, at system-loss charges account sa hihigit sa 77% ng residential rate.
Aniya: “Although Section 23 of EPIRA requires distribution utilities to supply electricity to their captive customers at the least possible cost, Hontiveros warned that automatic pass-through could weaken their incentive to secure cheaper power because higher costs may ultimately be recovered from consumers.”
“Ito ang resulta ng automatic pass-through: walang insentibo ang mga kumpanyang humanap ng pinakamurang pagkukunan ng kuryente. When power companies know that consumers will ultimately shoulder every increase, they have less incentive to negotiate harder and secure electricity at the lowest possible cost,” giit niya.
Kasunod ang panawagan matapos ihayag ng National Grid Corporation of the Philippines ng ₱0.77-per-kWh transmission rate increase, kasunod nang naunang ₱0.34-per-kWh increase sa generation charge ng Meralco. “Together, the two adjustments would add approximately ₱222 to the monthly bill of a household consuming 200 kWh.”
Aniya, mawawalang saysay ang P60 daily wage increase sa sahod sa NCR kapag ipinatupad ang bagong pagtaas ng singil sa kuryente na magsisimulang tanggapin sa Hulyo 25.
“Bago pa maramdaman ng manggagawa ang dagdag-sahod, kinakain na agad ito ng dagdag-singil sa kuryente. Ang ₱222 ay katumbas na rin ng apat hanggang limang kilong bigas. Imbes na mapunta sa pagkain, pamasahe, o gamot ang dagdag-kita, mauubos lamang ito sa mas mataas na electric bill,” aniya.
Nauang naghain si Hontiveros ng Proposed Senate Resolution No. 509, na naglalayong iimbestigahan ang patakaran ng ERC sa inirereklamong electricity bills at rate increases, na may layunin na amendahan ang EPIRA at katulad na regjulasyon upang mapalakas ang proteksiyon sa consumer.
“Ang hinihingi natin ay simpleng proteksyon: suriin muna bago singilin. Hindi dapat mauna ang dagdag-singil at mapilitang magbayad ang konsyumer at maghintay na lamang kung magkakaroon man ng adjustment o refund,” ani Hontiveros. Ernie Reyes
