LUCENA CITY- Patay sa pamamaril ang isang 63-anyos na babaeng local church pastor nitong Biyernes, Nobyembre 1, sa bayan ng Rodriguez sa lalawigan ng Rizal, base sa mga pulis.
Iniulat ng Police Region 4A nitong Sabado na ang biktimang si Ma. Fe. Armiza, pastor ng Alpha Omega Church, ay kasama ng grupo ng mga indibidwal ng alas-8:40 ng umaga, na nagsusukat ng lupain sa Barangay San Isidro.
Biglang dumating ang hindi natukoy na lalaki at tinawag ang atensyon ng biktima sa pamamagitan ng pagsigaw sa pangalan nito bago ito barilin.
Tumakas ang salarin matapos ang pamamaril.
Patuloy ang imbestigasyon upang matukoy ang pagkakakilanlan ng gunman at motibo sa likod ng insidente.
Naglunsad na ang mga pulis ng manhunt operation upang maaresto ang may sala. RNT/SA
