MANILA, Philippines- Itinalaga ni Pangulong. Ferdinand Marcos Jr., araw ng Martes si Isagani Nerez bilang bagong hepe ng Philippine Drug Enforcement Agency (PDEA), ayon kay Executive Secretary Lucas Bersamin.
Pinalitan ni Nerez ang nagbitiw sa pwestong si Moro Lazo. Si Lazo ay itinalaga bilang PDEA chief noong 2022.
Si Nerez ay dating Undersecretary for Police Affairs and Presidential Adviser on Military and Police Affairs.
Si Nerez, miyembro ng Philippine Military Academy Maharlika Class of 1984, ay isa ring abogado na nagsilbi sa Police Anti-Crime Emergency Response, Directorate for Integrated Police Operations sa Eastern Mindanao, Special Action Force, Presidential Anti-Organized Crime Task Force, at Anti-Kidnapping Group.
Ang PDEA, itinuturing na lead agency ng gobyerno sa anti-narcotics campaign, ay responsable para sa episyente para sa law enforcement ng lahat ng probisyon sa alinmang mapanganib na droga o ‘precursors and essentials.’ Kris Jose