MANILA, Philippines – NANAWAGAN si Pangulong Ferdinand R. Marcos, Jr. sa Kongreso na magpulong ng isang special session sa Hunyo 17, 2026 para agad na aksyunan ang mga priority legislation na naglalayong palakasin ang social protection, palawigin ang access sa edukasyon at healthcare, at magbigay ng higit na suporta sa vulnerable Filipino sa gitna ng nagpapatuloy na energy challenges at natural disasters.
Sa ilalim ng Proclamation No. 1318, inatasan ng Pangulo ang Kongreso na kaagad na aksyunan ang mga priority legislative measures na nananatiling nakabinbin sa kabila ng umabot na ito sa ‘advanced stages’ ng lehislasyon.
Nakasaad sa Seksyon 15, Artikulo VI ng 1987 Constitution, nagbibigay sa Pangulo ng kapangyarihan na manawagan sa Kongreso ng isang special session anumang oras para tugunan ang mga kagyat na bagay na nangangailangan ng agarang legislative action.
“The challenges confronting our people demand urgent action. Families affected by the recent earthquake in Mindanao require immediate assistance. Students need continued support to pursue their education. Our senior citizens deserve better healthcare. Our children must have better nutrition and vulnerable sectors need stronger protection,” ang winika ng Pangulo.
“The needs of the Filipino people do not pause when Congress is not in session. The government must continue to respond, and the welfare of every Filipino must remain our highest priority,” aniya pa rin.
Sa kabilang dako, kabilang sa mga panukalang batas na target na isaalang-alang ay ang :
1National Center for Geriatric Health;
2Amendments to the Government Assistance to Students and Teachers in Private Education (GASTPE) Act;
3Assistance to Individuals in Crisis Situations (AICS) Act;
4Amendments to the Universal Access to Quality Tertiary Education Act (UAQTEA);
5Last Mile and Geographically Isolated and Disadvantaged and Conflict-Affected Areas (GIDA) Schools Act;
6Amendments to the Masustansyang Pagkain Para sa Batang Pilipino Act;
7Anti-Political Dynasty Law;
8Presidential Merit Scholarship Program; at
9at tulad ng iba pang mga panukala na naglalayong palakasin ang social protection at iangat ang buhay ng mga mamamayang Filipino.
Dahil din sa special session, magagawa rin ng Commission on Appointments na umaksyon o kumilos sa mga nakabinbing appointments sa mga mga pangunahing posisyon sa
Gabinete, military, at foreign service. Makatutulong ito para tiyakin ang pagpapatuloy at katatagan ng iba’t ibang government institutions.
Samantala, nagpahayag naman ng kumpiyansa ang administrasyon na isantabi ng mga mambabatas ang political distractions at pagtutuunan ng pansin ang napapanahong paghahatid at makabuluhang suporta sa mga mamamayang Filipino. KRIS JOSE
