MANILA, Philippines – NANAWAGAN si Pangulong Ferdinand Marcos Jr., araw ng Huwebes para sa “more connected, resilient, and prosperous” na mga hakbangin sa pakikipagtulungan sa mga member states ng Brunei Darussalam–Indonesia–Malaysia–Philippines (BIMP)-East Asean Growth Area (EAGA).
Sa pagsasalita sa pagbubukas ng Special BIMP-EAGA Summit sa Cebu, sinabi ni Pangulong Marcos na ang presensiya ng tatlong lider ay muling magpapatibay sa kanilang nakabahaging pangako sa pakikipagtulungan, partnership, at inclusive growth sa sub-region.
Dumalo naman sa dayalogo sina Brunei Prime Minister Sultan Hassanal Bolkiah, Indonesian President Prabowo Subianto, at Malaysian Prime Minister Anwar Ibrahim.
“As we gather today, we look forward with purpose guided by the BIMP-EAGA Vision 2035 and its strong alignment with the broader aspirations of ASEAN. This vision is not merely a roadmap for economic integration. It is a promise to our people that development will be meaningful, sustainable, and felt in their daily lives,” ayon kay Pangulong Marcos.
“Let this summit renew our resolve to translate vision into action and plans into lasting impact,” dagdag na wika nito.
Tinuran pa ng Pangulo, maha-highlight ng four-nation summit ang mahalagang yugto ng mga programa at proyekto na aniya ay gumagawa na ng malaking pagkakaiba sa sub-region.
“These successes remind us that regional cooperation delivers its greatest value when it uplifts local communities,” ang sinabi ng Chief Executive.
Ito ang second-to-last official activity ni Pangulong Marcos bago pa ang aktuwal na Leaders’ Meeting, araw ng Biyernes.
Kasunod ng BIMP-EAGA Summit, nagkaroon ng closed-door trilateral meeting sina Pangulong Marcos, Thai Prime Minister Anutin Charnvirakul, at Cambodian Prime Minister Hun. KRIS JOSE
