MANILA, Philippines – Sinabi ni Pangulong Ferdinand Marcos Jr. nitong Sabado, Hunyo 21 na nais niyang maalala bilang isang lider na ang administrasyon ay gumawa ng malaking pagbabago para sa ikabubuti ng mamamayan.
“We made a change for the better. This has been my guide in all the positions that I have taken,” ani Marcos.
“The worst thing that can happen is umupo ka doon sa posisyon mo, nagsilbi ka, umalis ka, walang pinagbago,” dagdag pa niya.
“So I absolutely insist that in 2028, when I leave this office, there are significant and tangible changes for the better in the life of each Filipino.”
Ani Marcos, kabilang dito ang hindi pagpapatalo ng Pilipinas sa West Philippine Sea.
“We did not yield. We continue to protect the sovereignty of the Republic, we continue to defend the territory of the Republic, and we continue to protect and defend the people of the Republic,” anang Pangulo.
“Hindi naman tayo nakikipag-away pero wag ninyong binabangga ‘yang mga mangingisda,” dagdag pa.
“Huwag niyo kaming hinaharang doon sa teritoryo namin dahil ipaglalaban talaga namin yan because kung ibigay mo yan, like they say, you give them an inch, they will take a mile. You cannot allow even the one inch.”
Sa kanyang unang State of the Nation Address noong 2022, sinabi ni Marcos na ang kanyang administrasyon “will not give up even a square inch” ng West Philippine Sea, kaiba sa ginawa ni dating Pangulong Rodrigo Duterte na nakipagkaibigan sa China. RNT/JGC
