KUALA LUMPUR- Dumalo si Pangulong Ferdinand “Bongbong” Marcos Jr. nitong Lunes ng umaga sa welcome ceremony para sa 46th ASEAN Summit and Related Summit.
Sinalubong si Marcos ni Malaysia’s Prime Minister Anwar Ibrahim. Ang Malaysia ang host ngayong taon ng Summit and Related Summits.
Inaasahang makikipag-ugnayan ang Philippine leader sa iba pang ASEAN heads of state sa pagtalakay sa regional at global challenges, tulad ng developments sa South China Sea, sitwasyon sa Myanmar, maritime security, climate change, economic volatility, at digital disruption.
Dadalo rin si Marcos sa 16th Brunei, Darussalam-Indonesia-Malaysia-Philippines East ASEAN Growth Area (BIMP-EAGA) Summit, kung saan siya ang chair; sa 2nd ASEAN-Gulf Cooperation Council (GCC) Summit; at sa ASEAN-GCC-China Summit.
Magsasagawa rin ang Pangulo ng bilateral meetings sa Vietnam, Kuwait, at Lao PDR; maging sa iba pang leaders’ engagements.
Ang tema ng ASEAN Summit ngayong taon ay: “Inclusivity and Sustainability,” kung saan binibigyang-diin ang shared commitment ng rehiyon sa “progress and resilience.” RNT/SA
