MANILA, Philippines – Tiwala si Pangulong Ferdinand Marcos Jr. sa naging desisyon ng anak na si House Majority Leader Ferdinand Alexander “Sandro” Marcos na nag-ober da bakod sa Lakas-Christian Muslim Democrats (Lakas-CMD) party at tuluyang iwanan ang Partido Federal ng Pilipinas (PFP).
Sa ulat, nanumpa si Sandro Marcos sa nasabing partido nitong Oktubre 12 na pinamunuan ni Lakas-CMD Vice President for Mindanao Camiguin lone district Rep. JJ Romualdo.
Sinabi ni Presidential Communications Office (PCO) Undersecretary at Palace Press Officer Claire Castro na hindi pa niya nakakausap ang Pangulo ukol sa bagay na ito subalit muling inulit na tiwala ang Pangulo sa naging desisyon ng anak.
“But as I said before, the president trusts his son’s decision,” ayon kay Castro.
“So whatever his son decides to do, he [President Marcos] trusts that whatever action his son or his children take is the right one,” aniya pa rin.
Ang Lakas-CMD ay pinamumunuan ng kanilang pangulo na si dating House Speaker Leyte 1st district Rep. Martin Romualdez.
Naging mentor si Romualdez sa pamangkin nito noong unang termino niya bilang Representatives noong 2022.
Ang Lakas-CMD ay may 64 miyembro dahilan para manatili itong pinakamaraming miyembro sa Mababang Kapulungan ng Kongreso. (KRIS JOSE)
