MANILA, Philippines – Nagsagawa ng Charity Summit 2025 na may temang “Serving More Through Greater Collaboration” ang Philippine Charity Sweepstakes Office o PCSO nitong Biyernes, Setyembre 5 sa Manila Hotel.
Layon ng summit na ipakita ang nagawa ng PCSO sa charity program, palakasin ang pakikipagtulungan sa pagitan ng mga ahensya, at ibahagi ang pinakamahusay na kagawian sa serbisyo publiko at makataong pagsisikap.
Halos 200 indibidwal mula sa gobyreno at ibat-ibang stakeholders ang dumalo sa summit.
Pinangunahan ni PCSO General Manager Melquiades Robles ang aktibidad, na dinaluhan ng mga kilalang personalidad tulad ni DSWD Undersecretary Monina Josefina Romualdez, San Juan City Mayor Francis Zamora (bilang Presidente ng League of Cities of the Philippines), Ryan Joseph Sarte ng Presidential Action Center, at Rey Valena ng PhilHealth. Kasama rin ang mga kinatawan ng PCSO institutional partners at beneficiaries.
Sa pamamagitan ng pagtitipon ng mga kasosyo sa isang platform, binibigyang-diin ng kaganapan ang pangako ng PCSO na pasiglahin ang mas malakas na pakikipagtulungan, tinitiyak ang mas madaling ma-access, maaapektuhan, at napapanatiling serbisyo para sa mga Pilipino sa buong bansa.
Binigyang-diin ni GM Robles na ang malaking bilang ng dumalo ay patunay sa suporta ng publiko at gobyerno sa mga adhikain ng PCSO.
“Ang kooperasyong ito ay hindi lamang salita—kilos ito para sa mas maraming komunidad na makinabang sa ating mga programa,” dagdag niya.
Itinuring na matagumpay ang summit bilang hakbang tungo sa mas malawak na kolaborasyon, lalo na sa pagtugon sa mga hamon ng kahirapan at kawalan ng access sa serbisyong pangkalusugan.
Ang PCSO ay nananatiling nakatutok sa pagpapalawig ng mga program nagbibigay-pag-asa sa mga Pilipino. Jocelyn Tabangcura-Domenden
