OCCIDENTAL MINDORO, Philippines – Isang person deprived of liberty (PDL) ang tumakas mula sa Sablayan Prison and Penal Farm sa Occidental Mindoro, ayon sa Bureau of Corrections (BuCor) nitong Marso 4.
Kinilala ang tumakas na si Tyrone R. Dela Cruz, na nahatulan sa kasong kidnap for ransom. Nakadetine siya mula 2015 at inilipat sa SPPF noong 2017. Nakatakas siya noong Marso 3.
Ayon sa BuCor, nakikipag-ugnayan na sila sa iba pang law enforcement agencies at sa Philippine Army para sa agarang pagdakip kay Dela Cruz.
Apat na corrections officers ang inalis muna sa puwesto at inilipat habang iniimbestigahan ang insidente. Naiulat na rin ang pangyayari at ang ginagawang hakbang sa Fredderick Vida.
Batay sa paunang ulat, napansing nawawala si Dela Cruz bandang 5:47 p.m. noong Martes sa routine headcount.
“Reports indicate that after moving towards the basketball court area, he exploited an opportunity to flee between Post Tower 1 and Post Tower 2,” ayon sa ulat.
“Despite duty personnel’s prompt response and efforts, which included firing warning shots, Dela Cruz managed to evade and made his way toward a nearby forested region,” dagdag pa nito. RNT/MND
