MANILA, Philippines – Binuksan ng Pilipinas ang 2024 Baseball Federation of Asia (BFA) Under-18 Asian Baseball Championship na may sunod-sunod na tagumpay sa Taiwan.
Sinimulan ng U18 men’s baseball team ang torneo sa pamamagitan ng 10-0 panalo laban sa Sri Lanka noong Lunes pagkatapos ay sinundan ito ng 4-2 tagumpay laban sa Hong Kong upang manatiling walang talo hanggang ngayon sa Group B.
Habang sinusulat ang balitang ito, kasalukuyang nilalabanan ng Pilipinas ang Japan para sa huling assignment nito sa grupo.
Nakatakda ang Super Round sa Setyembre 6 at 7 kasama ang mga laban sa medalya sa Setyembre 8.
Ginaganap ang mga laban sa tatlong lugar kung saan ang No. 28 na ranggo ng Pilipinas ay sumasagupa sa Taoyuan International Baseball Stadium sa Taoyuan City.
Kinakatawan ang koponan ng Pilipinas ng mga sumusunod na manlalaro: Liam Alexei de Vera, Rance Emrick Faustino, Roman Gregory Fong, Ben Joebert Gorpido, Mario Labadan III, Chinelle Manabat, Aron Jesse Manguiat, Cedrick Kyle Marquez, Rinaldo Kyle Matti, Barry Gabriel Oñas, Joseph Emmanuel Paragas, Joshua Daniel Paragas, Zane Dale Prades, Lorenzo Joaquin Salvador, Brandon Sanchez, Jan Rein Soriano, Yuan Miguel Sumague, Aljun Tapia, Zephyr Tyler Tolentino, Laurance Andrei Valeros at Jan Stephen Ventanilla.
Binubuo naman ang coaching team ay nina Oscar Marcelino, Joseph Orillana, Keiji Katayama at Jon-Jon Robles kasama ang delegasyon na pinamumunuan ni Raymond Tolentino.
Ayon sa Philippine Amateur Baseball Association, itinayo ang roster pagkatapos ng mga buwan ng malawak na nationwide tryouts, na naglalabas ng talento mula sa buong Pilipinas.
Magiging kwalipikado ang nangungunang tatlo sa Asian tournament para sa WBSC U-18 Baseball World Cup 2025.JC
