MANILA, Philippines — Natapos ng Smart/MVPSF Philippine taekwondo team ang isa pang season sa pamamagitan ng pagwawagi ng dalawang silver at walong bronze medals sa katatapos na 2024 World Taekwondo Poomsae Championships sa Hong Kong.
Naghatid ang partnership nina Justin Kobe Macario at Juvenile Faye Crisostomo ay naghatid ng halos walang kamali-mali na pagganap upang pumangalawa sa freestyle sa loob ng 17-taong kategorya, at gayundin sina Leno Maximuz Subaste at Julianna Martha Uy sa junior pair.
Ang kanilang mga tagumpay ay angkop na karugtong ng gintong medalya ni Tachiana Mangin sa women’s -49 kilogram class ng World Taekwondo Junior Championships sa Chuncheon, South Korea – ang kauna-unahan sa bansa mula nang maghari si Alex Borromeo sa men’s -47kg division noong 1996 edition sa Barcelona, Spain.
Nanalo ng mga indibidwal na bronze medal para sa pambansang koponan na suportado ng Philippine Sports Commission at Philippine Olympic Committee (POC) sina Darius Venerable (freestyle over 17), Ian Matthew Corton (male under-30), June Ninobla (male under-60), at Jaynazh Angelo Jamias (cadet male individual).
Pasok din sa podium sa freestyle team over 17 sina Asian Games bronze medalist na sina Patrick King Perez, Juvenile Faye Crisostomo, Janna Dominique Oliva, Justin Kobe Macario, at Jeus Gabriel Derick Yape.
Si Jamias ay miyembro din ng three-man team kasama sina Kian Ezekiel Castigador at Xian Gabreil Gamata na pumangatlo sa cadet male recognised team under-17.
Nasungkit nina Alfonzo Gabriel Tormon at Joniya Yua Ysabelle Obiacoro ang bronze sa cadet pair sa event na nagtipon ng pinakamahusay na poomsae practitioners sa mundo.JC
