Home NATIONWIDE PH resupply ship ubos na sa paghaharas ng China

PH resupply ship ubos na sa paghaharas ng China

PUERTO PRINCESA—Nauubusan na ng barko ang Pilipinas na gagamitin sa mga resupply mission nito sa BRP Sierra Madre, isang naval post sa Ayungin Shoal sa loob ng exclusive economic zone ng bansa, sabi ni AFP Western Command commander Vice Admiral Alberto Carlos.

Ginawa ni Carlos ang pahayag matapos gumamit ng water cannon ang China Coast Guard vessel sa resupply ship na Unaizah Mayo 4 (UM4) para hindi ito makarating sa Ayungin Shoal.

Ang opisyal ay sakay ng UM4 at nasaksihan mismo ang pag-atake sa tubig.

Sinabi niya na ang iba pang mga resupply ship na natamaan ng mga water cannon sa mga nakaraang misyon ay maaaring limitado o nananatiling nasa ilalim ng pag-aayos.

“Wala akong nakitang intention to sink just to disable kasi ang target nila is the bridge and smokestack para maano yung engine natin like they did sa M/L Kalayaan,” ani Carlos.

Aniya, ibinalik ang barko sa Munisipyo ng Kalayaan, na nagmamay-ari ng barko.

Noong Disyembre din noong nakaraang taon, isa pang resupply ship, Unaizah May 2 ang binangga ng China Coast Guard at nananatiling inaayos.

Sinabi ni Carlos na ipapadala pa rin niya ang UM4 sa kabila ng pinakahuling pag-atake ng water cannon. Ito ay nananatiling buo at nagtamo lamang ng maliliit na pinsala.

Ang pinakahuling insidente ng water cannon ay naganap malapit sa Ayungin Shoal.

“Parang mas malakas this time from the previous water cannon. Talagang tinarget nila… to stop from entering the shoal. Nakapasok na kami sa walo mula sa shoal. We’ve already crossed the 12 nautical miles, ‘yun ‘yung parang ano nila, eh erritorial seas,” he said.

Bukod sa water cannon incident, bumangga ang Chinese coast guard vessel 21555 sa BRP Sindangan sa kanang bahagi nito habang tinatangka nitong harangin ang huli habang patungo sa Ayungin Shoal.

Ang mga tauhan ng Philippine Coast Guard ay mabilis na naglagay ng mga fender sa kanang bahagi ng Sindangan at naiwasan ang karagdagang pinsala. RNT

Previous articleINIT NAKAMAMATAY LAHAT MAG-INGAT
Next articleDFA: Walang pangakong ginawa sa Tsina na pag-abandona ng Pinas sa karapatan sa WPS