PHLPost: Paghahatid ng mail, packages sa NCR pinabilis ng EMS Next Day Delivery

MANILA, Philippines- Nag-upgrade sa Express Mail Service (EMS) ang Next Day Delivery sa National Capital Region (NCR) na target ang parehong domestic at international shipments.

Sinabi ng ahensya sa na palalakasin nito ang posisyon nito sa industriya ng logistics, aayusin ang mga operasyon at tutugunan ang tumataas na pangangailangan para sa mabilis at maasahang mga serbisyo sa paghahatid.

Sinabi ni Postmaster General Luis Carlos na binigyang-diin ng EMS Next Day Delivery ang kanilang determinasyon na pahusayin ang kanilang service portfolio at panatilihin ang tiwala ng mga komunidad at negosyong umaasa sa mga serbisyo sa koreo, lalo na sa e-commerce at logistics.

Sinuguro ng PHLPost na sa pag-upgrade na ito, ang kahusayan at kaginhawahan para sa parehong mga nagpadala at tatanggap pati na rin ang napapanahong paghawak ng mga urgent mail at mga packages.

Pamamahalaan ito mula sa mga pangunahing hub sa Metro Manila, bawat isa ay sumasaklaw sa mga partikular na lugar para sa maayos na paghahatid sa National Capital Region (Mega Manila Area):

• Quezon City Central Post Office Hub – Nagsisilbi sa Caloocan City, Malabon, Marikina, Navotas, Novaliches, Quezon City, at Valenzuela

• Central Mail Exchange Center (CMEC) Hub – Pasay, Muntinlupa, Las Piñas, at Parañaque

• Makati Central Post Office Hub – Makati, Mandaluyong, Pasig, Pateros, Taguig, at bahagi ng Manila

• Manila Central Post Office– northern at southern districts ng Maynila, at San Juan

Ayon sa PHLPost, ang mga item ng EMS na ipinadala pagkatapos ng cut-off time ay ihahatid sa loob ng 48 oras at sa mga hindi kalahok na NCR Post Office.

Samantala, ang cut-off time ay alas-2 ng hapon para sa Caloocan, Valenzuela, Marikina, Novaliches, Pasig, Pateros, Taguig, Mandaluyong, San Juan, SM Mall of Asia Post Office at SM Manila.

Para sa NCR areas sa Manila, Makati, Quezon City, Pasay, Paranaque, Muntinlupa, at Las Pinas Post Office, ang cut-off time ay alas-3:30 ng hapon. Jocelyn Tabangcura-Domenden