MANILA, Philippines- Sa kabilang pagkilos tulad ng “band of barbarians” sa West Philippine Sea, sinabi ng Philippine Navy na hindi ito ang unang aatake sa China Coast Guard (CCG).
Inihayag ito ni Commodore Roy Vincent Trinidad, Philippine Navy spokesperson for the West Philippine Sea, nitong Huwebes matapos ang komprontasyon noong Hunyo 17 sa CCG, kung saan sinakyan ng Chinese personnel ang Filipino boats, inagaw ang mga armas, at nagdulot ng serious injuries sa isang Filipino personnel.
“We have told our troops, use of force for mission accomplishment is not authorized unless in self defense,” pahayag ni Trinidad nang tanungin kung magreresulta ang insidente sa Ayungin Shoal upang unang umatake ang navy.
Hinggil naman sa kung anong mangyayari kung ang Pilipinas ang unang magpaputok sa CCG, sinabi ni Trinidad: “I don’t want to speculate, but it is precisely why [we] tell our troops, ‘let us not get there’; we are putting a lot of effort into that.”
Binangga ng CCG personnel na may dala pang bolo, ang Philippine vessels sa resupply mission para sa BRP Sierra Madre sa Ayungin (Second Thomas) Shoal, na sinabi ng spokesperson nitong si Gan Yu na maituturing lamang umanong “control measures.”
“I call them a ‘band of barbarians’ and, in the first place, they have no right to wear the uniform,” giit ni Trinidad ukol sa pinakabagong karahasan ng CCG. “Coast guardsmen are supposed to be responsible for the safety of life at sea — their actions endanger life at sea.”
“It does not speak well of a country that wants to be a global power,” aniya pa.
Inaangkin ng China ang halos kabuuan ng South China Sea, na hinamon ng Philippine government sa Permanent Court of Arbitration (PCA) sa The Hague noong 2013. Nagdesisyon ang Korte pabor sa Pilipinas noong Hulyo 2016 nang ibasura ang nine-dash claim ng China sa South China Sea.
Subalit, hindi kinikilala ng Bejing ang hatol. RNT/SA