Binuksan na ng MMDA at ng lokal na pamahalaan ng Maynila ang floodgate na nakalagay sa bahagi ng Roxas Blvd. malapit sa Manila Yacht Club. CRISMON HERAMIS
MANILA, Philippines – Sa pagdinig ng Senado noong Huwebes, binanggit ni Sen. JV Ejercito ang mga “unfunded items” sa ilalim ng P5.8-bilyong budget proposal ng MMDA para sa 2026.
“MMDA submitted a total proposal of P13.576 billion, but only P5.884 billion was recommended by the DBM (Department of Budget and Management) in the 2026 National Expenditure Program, representing a reduction of P7.692, or 56.66 percent,” ayon kay Ejercito.
Ayon kay Ejercito, ilan sa unfunded projects ay kinabibilangan ng P300 milyon na rehabilitation improvement sa kahabaan ng Manggahan floodwater channel (Phase 2), at isa pang P300 milyon para sa rehabilitation improvement sa lower Marikina River (Phase 20).
Tinanong noon ni Ejercito kung bakit hindi pinondohan ng DBM ang mga proyektong iyon.
“Maybe because these are connected to flood control projects, your honor,” sagot ni MMDA Chair Romando Artes.
“We realize that people are a little ‘allergic’ to (antiflood projects), even DBM and the national government. That’s why we did not pursue it,” dagdag niya.
Ang umano’y sabwatan ng ilang pulitiko, opisyal ng gobyerno at pribadong kontratista para dayain ang gobyerno ng bilyon-bilyong piso ang nagbunsod sa pagbasura sa P250 bilyong budget para sa flood control projects para sa 2026 sa ilalim ng Department of Public Works and Highways.
“But again, projects like that can help a lot, especially like here in Marikina. They have really hastened the drainage of floodwater from out streets,” patuloy ni Artes.
Gayunpaman, ang MMDA ay nagpapanatili ng hindi bababa sa P1 bilyong badyet para sa mga proyekto sa pagkontrol sa baha o P32 milyon bawat lungsod, gaya ng binanggit ni Sen. Sherwin Gatchalian, tagapangulo ng committee on finance ng Senado.
“We have to remember that the flood control of the DPWH were all removed. The MMDA now has over P1B plus for flood control projects. Maybe it’s not the same as DPWH, but it’s the same philosophy,” giit ni Gatchalian.
Tiniyak ni Artes sa senador na ang desisyon at determinasyon ng mga proyektong ito ay “solely” sa MMDA.
Sinabi ni Gatchalian na habang ang inisyal na P275-bilyong kahilingan ng DPWH para sa 2026 flood control projects ay binasura dahil sa mga alalahanin sa katiwalian, ang pondo ay makukuha pa rin mula sa dating hindi nagastos na badyet para sa mga proyekto. RNT/MND
