MANILA, Philippines- Tiniyak ng Philippine National Police (PNP) nitong Huwebes ang kaligtasan ng media practitioners sa buong bansa kasunod ng May 31 killing sa radio broadcaster na si Cresenciano Aldovino Bunduquin sa Calapan City, Oriental Mindoro.
“The police force is exerting every possible effort to solve this case and at the same time ensure the safety and security of all working journalists in the country through our network of regional PTFoMS (Presidential Task Force on Media Security) focal persons,” pahayag ng PNP.
“[We extend our] sincerest condolences to the family and media colleagues of the late broadcaster Cresenciano Aldovino Bunduquin of DWXR 101.7 Kalahi FM MUX Online Radio,” anito pa.
Base sa ulat ng Oriental Mindoro Police Provincial Office (PPO), dalawang hindi natukoy na kalalakihan sakay ng motorsiklo ang bumaril kay Bunduquin nitong Miyerkules ng umaga sa harap ng isang tindahan na pagmamay-ari ng biktima sa kahabaan ng C5 road sa Barangay Santa Isabela.
Isa sa mga lalaki ang lumapit kay Bunduquin at ilang beses siyang binaril sa iba’t ibang parte ng kanyang katawan bago tumakas ang suspek. Hinabol sila ng anak ni Bunduquin at aksidenteng nabangga ang motorsiklo nila, na nagresulta sa kamatayan ng isa sa mga suspek na si Narciso Ignacio Guntan, habang nakatakas naman ang isa.
Sinabi ng Oriental Mindoro PPO na maglulunsad ang Special Investigation Task Group (SITG) “Bunduquin” ng follow-up operation para tugisin ang nakatakas na gunman.
“A thorough investigation is underway to establish the circumstances surrounding the incident. Investigators of the Calapan City Police Station are assisted in the effort by regional units of national support offices stationed in Mimaropa (Occidental Mindoro, Oriental Mindoro, Marinduque, Romblon, and Palawan), including the Criminal Investigation and Detection Group, Forensic Group, and Intelligence Group,” anang PNP.
Sinabi rin ng kapulisan na nag-alok na ang PTFoMS ng pabuya sa makapagbibigay ng impormasyon para sa ikaaaresto ng gunman habang umasiste naman ang Presidential Anti-Organized Crime Commission sa gumugulong na imbestigasyon. RNT/SA
