MANILA, Philippines – Makaaasa ang mga guro ng pampublikong paaralan at iba pang empleyado ng pamahalaan ng “expanded” healthcare benefits sa susunod na taon.
Ayon sa Department of Education (DepEd), ibibigay ang “annual medical allowance of up to P7,000” sa “eligible government civilian personnel, including public school teachers” sa ilalim ng Executive Order No. 64.
Magsisilbing subsidiya ito sa halaga ng ilang benepisyo mula sa health maintenance organizations (HMO).
“If we pool that together, we can secure comprehensive insurance coverage for our teachers,” saad sa pahayag ni Education Secretary Sonny Angara nitong Martes, Agosto 20.
Sinabi ng DepEd na “adjustment represents a 1,300% increase from the P500 medical allowance granted in 2020, which was primarily intended to cover the cost of eligible diagnostic tests.”
“Furthermore, the Department has reminded its teaching and non-teaching personnel that they are eligible to file claims under the Government Service Insurance System (GSIS)-issued Personal Accident Insurance (GPAI) policy. This policy provides coverage for accidental death or dismemberment up to P100,000 and medical reimbursement up to P30,000 for injuries,” pagpapatuloy pa.
Dagdag pa rito, simula sa susunod na school year 2025-2026 ay makatatanggap ang mga guro sa pampublikong paaralan ng P10,000 teaching allowance o “chalk allowance”.
Ito ay sa ilalim ng Republic Act 11997 o ang Kabalikat sa Pagtuturo Act, kung saan co-author si Angara nang siya ay nasa Senado pa, na nagpapataas sa taunang allowance mula sa kasalukuyang P5,000. RNT/JGC
