PALAWAN – Isinailalim ang Puerto Princesa City sa Palawan sa ilalim ng state of calamity noong Pebrero 11 dahil sa malawakang pagbaha na dulot ng shear line.
Inaprubahan ng city council ang resolusyon, na nagbibigay daan sa paggamit ng P86 milyon mula sa Quick Response Fund para sa tulong sa mga apektadong residente.
Mahigit 3,000 pamilya o 7,900 tao ang naapektuhan.
Noong Pebrero 9, limang tao ang nasawi nang tangayin ang kanilang sasakyan ng malakas na agos habang tumatawid sa bahang kalsada sa pagitan ng Aborlan at Puerto Princesa.
Pitong iba pa ang nasagip, at narekober ang mga labi ng mga biktima sa mga operasyon sa paghahanap. Ang mga nakaligtas ay nagpapagaling na sa ospital. RNT
