MANILA, Philippines – Ang suporta ni Senate President Vicente Sotto III sa charter change (Cha-cha) ay welcome development, ayon kay House Deputy Speaker at Antipolo Rep. Ronaldo Puno.
Ani Puno, kailangan ng backing ng Senado para maituloy ang anumang pagbabago sa Saligang Batas, dahil kadalasang natitigil ang mga panukala doon.
“Mabuti naman. Kailangan ng tulong talaga sa Senado,” sabi niya.
Binanggit ni Puno ang mga isyu sa impeachment ni VP Sara Duterte, kabilang ang pagkakaiba-interpret sa salitang “forthwith,” bilang dahilan para isulong ang Cha-cha.
Ipinanukala ni Puno na mas mainam ang constitutional convention (Con-con) kaysa constituent assembly (Con-ass) para maiwasan ang kalituhan sa proseso.
Noong nakaraang termino ng 19th Congress, sinubukan ng mga kaalyado ni Pangulong Marcos, kabilang si Romualdez, na isulong ang economic Cha-cha upang payagan ang foreign ownership sa ilang industriya, ngunit kailangan pa ng Senado at plebisito para maisakatuparan. RNT/MND
