Register of Deeds ng Davao City tetestigo sa impeachment trial

MANILA, Philippines – Humarap at nanumpa na sa witness stand si Atty. Kathy Florence Baldonado, ang Register of Deeds ng Davao City.

Sa kanyang Offer of Testimony, sinabi ni House prosecutor Rep. Keith Flores na ilalatag ni Baldonado ang alegasyong itinago ni Vice President Sara Duterte ang kanyang yaman, partikular na ang isang ari-ariang may lawak na 379 square meters sa Davao City na nakapangalan sa kanyang asawang si Atty. Manases Carpio.

Nagpahayag ng pagtutol ang abogado ng depensa na si Atty. Lindon Bacquel sa pagsasabing walang kaugnayan sa kaso ang testimonya ni Baldonado, ngunit pinahintulutan ni Presiding Officer Francis Escudero ang pagsasagawa ng direct examination sa kanya.

RNT