MANILA, Philippines – Asahan ng mga motorista ang magkahalong galaw sa presyo ng produktong petrolyo sa susunod na linggo, ayon sa Department of Energy (DOE).
“Based on the four-day trading in MOPS (Mean of Platts Singapore), a mixed movement in the prices of petroleum products is expected happen next week,” ani DOE-Oil Industry Management Bureau Assistant Director Rodela Romero.
Posibleng bumaba ang presyo ng gasolina ng P0.35 kada litro, habang tataas ang diesel at kerosene ng P0.30 at P0.35 kada litro, ayon sa kanya.
“These estimates exclude the operating cost of the oil companies and other related premiums,” dagdag ni Romero, at binanggit na ang paggalaw ng presyo ay dulot ng drone attack ng Ukraine sa Black Sea port ng Russia at inaasahang pagtaas ng produksyon ng OPEC+.
Iniaanunsyo ng mga oil firm ang opisyal na pagbabago tuwing Lunes at ipinatutupad sa susunod na araw. RNT
