MANILA, Philippines – Sinabi ng Department of Transportation (DOTr) na magpapatupad ito ng mga hakbang upang masiguro ang road safety para sa mga siklista at pedestrian, kasabay ng paggiit sa pangangailangan sa ligtas at inclusive na road spaces para sa mga ito.
Ang pahayag ni Acting Transportation Secretary Giovanni Lopez ay inihatid ni DOTr Undersecretary Ramon Reyes sa paglulunsad ng National Bike Day 2025.
Sinabi ng ahensya na ito ay ayon sa direktiba ni Pangulong Ferdinand Marcos Jr. na gawing prayoridad ang kaligtasan ng non-motorized road users sa ilalim ng National Transport Policy at Philippine Development Plan 2023–2028.
“We must add infrastructure and tighten road safety measures to ensure the safety of cyclists and pedestrians,” ani Lopez.
Dahil dito, pagbubutihin pa at palalawakin pa ng ahensya ang bike at pedestrian lanes, at sisiguruhin na ang mga pasilidad na ito ay “inclusive of cyclists, pedestrians, and other at-risk road users.”
Iginiit din ni Lopez ang kahalagahan ng pagbibigay ng tamang road space para sa mga siklista dahil ang mga ito ay lehitimong road users din.
“Cyclists should no longer have to plead ‘please share the road.’ They deserve safe and adequate spaces so they can safely reach school, work, and other destinations,” dagdag pa.
Sa datos na ipinresenta ng DOTR noong Nobyembre 14, sinabi ng ahensya na “pedestrians, cyclists, and riders are most at risk,” kung saan ang mga pedestrian ay sangkot sa 27 percent ng road crash sa Metro Manila. RNT/JGC
