Sam pumiyok sa real score nila ni Cat!

Manila, Philippines – Straight from the horse’s mouth: break na sina Catriona Gray at Sam Milby.

Ito mismo ang kinumpirma ni Sam nang tanungin kung sila pa ni Miss Universe 2018.

Isang simpleng “No!” lang ang sagot ni Sam.

Kasabay nito’y nilinaw din ng aktor na walang katotohanan na may third party involved sa halos apat na taon nilang relayon.

Matatandaang 2023 nang ma-engage sila.

February 2024 naman nang pumutok na ang balitang meron silang pinagdadaanan.

Git ni Sam, noon pa naman ay mas pinili nila ni Cat na maging pribado sa kanilang relasyon hanggang sa magkahiwalay sila.

Despite their breakup, nilinaw ni Sam na: “We’re okay. We’re friends!”

Samantala, nausisa rin si Sam tungkol sa pagiging emosyunal ni Cat noong manood ng ikalawang gabi ng sold-out concert ni TJ Monterde sa Big Dome.

Bale ba, naroon din si Sam and they were only two seats apart.

Wala raw kasing ginawa si Sam na inaasahang pakakalmahin si Cat nang mahuling umiiyak dahil sa awiting Hanggang Dito na Lang.

Si Isabel Oli ang pinakaunang lumapit kay Cat.

Ani Sam, wala raw siyang ideya kung ano ang nararamdaman ni Cat noong mga sandaling ‘yon.

All said, marami ang nanghihinayang sa relasyong Cat-Sam. Ronnie Carrasco III