MANILA, Philippines – Hiniling ng contractor na si Sarah Discaya sa National Bureau of Investigation (NBI) ang kanyang pansamantalang pagpapalaya upang makadalo sa nakatakdang pagdinig sa Office of the City Prosecutor (OCP) sa Malabon City.
Ayon kay Department of Justice Spokesperson Atty. Polo Martinez, naka-iskedyul si Discaya sa OCP Malabon kaugnay sa kasong inihain laban sa kanya ng lokal na pamahalaan ng nasabing syudad.
Ayon pa kay Atty. Martinez, ang kanyang pagdalo sa OCP Malabon ay para masiguro ang lahat ng kinakailangang dokumento sa kasong kinakaharap.
“Sarah Discaya has a scheduled hearing before OCP Malabon in relation to a case filed against her by the City Government of Malabon. She requested the NBI for temporary release to attend the hearing and to secure all documents necessary,” sabi ni Atty. Martinez. Jocelyn Tabangcura-Domenden
