MANILA, Philippines – Todong paghahanda ang ginagawa ng Philippines Olympic Committee (POC) sa ilang mga international sporting events na lalahukan ng mga atleta ng bansa.
Isiniwalat ni POC President Abraham “Bambol” Tolentino na pinagpaplanuhan na nila ang gaganaping Southeast Asian Games sa Bangkok, Thailand sa susunod na taon.
Sinabi ni Tolentino na aapela sila sa organizers dahil inalis ang apat na sports kung saan malakas ang Pilipinas sa nasabing torneo.
“Kapag tinanggal ang nasabing apat na sports, mababawasan ang walong gintong medalya ang bansa,” ani Tolentino.
Ayon sa ulat, inalis ng organizer ng SEA Games sa Thailand ang mga sports na weightlifting, wushu, jiu-jitsu at karate.
Kumpiyansa si Tolentino na papaburan sila ng SEAG Federation ang kanilang apela.
