MANILA, Philippines – IPINAMALAS ni Marvin Sia ng PTBA-Henrich ang kanyang husay sa bowling matapos sungkitin ang kampeonato sa 57th MTBA Open Tenpin Bowling Championships-Mixed Novice Masters division na ginanap sa Playdium Bowling Center, Quezon City.
Umiskor si Sia ng career high na 1,305 points para maiuwi ang napakagandang gold trophy at cash prize na tumataginting na P30,000.
Isa si Sia sa mga inaabangang bowlers na nagpapakita ng magandang future sa larangan ng sports.
Sinungkit naman ni PTBA star Joshua Peralta ang 1st runner-up award nang tumarak ito ang 1,272 points sapat para maiuwi ang cash prize na P15,000 at silver trophy.
Nagpakita rin si Peralta ng magandang laro sa Mixed Novice Division at hinangaan sa ibinuhos nitong dedikasyon sa laban.
Siniguro naman ni Noel Montano na maiuuwi ang 3rd place crown matapos ikinamada ang 1,182 points para maibulsa ang P8,000 cash prize at magandang bronze trophy.
Samantala, sinikwat ng batam-batang si Mervin Sia ng PTBA-Henrich ang 4th place habang hinablot ni Susie Rivera ng SLETBA ang 5th place ng kumpetisyon.
Naiuwi ni Sia ang cash prize na P5,000 habang is Rivera ay may P4,000.
