Sofronio, umaming di na puwedeng maging dugyot!

Manila, Philippines- The Voice Season 26 champion Sofronio Vasquez is in town!

Dumating ang first ever Pinoy at Asian TVUS champion kamakailan.

Ang kanyang inang si Mrs. Aida Vasquez ang sumalubong sa kanya.

Excited ngang makauwi ng bansa si Sofronio to the point na pa-landing pa lang ang sinasakyang eroplano’y gusto na raw niyang tumalon.

Supposedly, dito dapat siya nag-Pasko at Bagong Taon pero kinailangan daw niyang harapin sa Amerika ang ilang commitments.

Kabilang doon ay ang bahaging kanyang napanalunan–a recording contract with Republic Records and Universal Music Group.

Dapat din daw ay may collab sila ni Michael Bublè who served as his TVUS coach for a Christmas song pero hindi na ito umabot.

Whether he likes it or not, inilagay muli ni Sofronio sa international map ang Pilipinas.

At sa aminin man niya o hindi, isa na siyang sikat na public figure.

Aware siya na may kakambal na “presyo” ito which he has to pay.

Nasanay na raw kasi siya sa Amerika na naglalakad mag-isa nang incognito o hindi napapansin.

One time daw ay naglakad siya nang naka-jacket lang–short of saying na “dugyot” ang peg niya.

Na-realize lang daw ni Sofronio na kailangan niyang mag-ayos when someone down the street came up to him and asked: “Are you the winner?”

Pag-amin niya: “Minsan kasi, nakakalimutan kong public figure na pala ako, hehehe!”

Mula airport ay dumiretso si Sofronio sa ABS-CBN kung saan naabutan niyang nagre-rehearse si Regine Velasquez at iba pa.

Sofronio’s first public appearance since his TVUS triumph ay sa Sinulog Festival sa Cebu.

Nakapag-perform na rin siya sa harap ng First Family.

After fulfilling his commitments here ay balik-Amerika si Sofronio dahil may trabahong naghihintay sa kanya doon. Ronnie Carrasco III