MANILA, Philippines – Nais kumuha ng mas maraming Filipino caregivers ang South Korea.
Sa panayam nitong Martes ng gabi, Oktubre 3, sinabi ni South Korean Ambassador to the Philippines Lee Sang-hwa na nagpapatuloy na ang usapan ng Pilipinas at Seoul sa pagtanggap ng nasa 100 Filipino caregivers sa pagsapit ng Disyembre 2023.
“I’ve been meeting frequently with the DMW (Department of Migrant Workers) and the DFA (Department of Foreign Affairs (DFA) because the additional layer we are discussing is we are interested in sending Filipino caregivers to Korea,” ani Lee.
“Filipino caregivers have good reputation worldwide and that will be, in our view, a win-win partnership between our countries,” dagdag pa niya.
Sinabi naman ni Philippine Ambassador to Korea Maria Theresa Dizon-De Vega na may ilang Filipino caregivers ang nagtatrabaho sa South Korea ngunit para sa mga diplomats, sa ilalim ng “special category”.
“There is no agreement, (it’s) still in the discussion stage — that is under the direct purview of DMW,” pahayag ni De Vega, sa panayam ng Philippine News Agency (PNA) nitong Miyerkules.
Ang usapan sa pagitan ng Manila at Seoul ay kasunod ng planong pagtugon nito sa shortage sa nursing facility workers. RNT/JGC
