MANILA, Philippines – Hinimok si Pangulong Ferdinand Marcos Jr. na dapat muling pag-isipan kung ipagpapatuloy niya ba ang pagkakaroon ng alter ego na “constantly undermines him,” sinabi ng isang mambabatas nitong Biyernes, Abril 19.
Ito ay matapos na aminin ni first lady Liza Araneta-Marcos na nasaktan siya sa pag-atake ni Vice President Sara Duterte laban sa kanyang asawa.
Ang tinutukoy niya ay kung paano tumawa si Sara Duterte nang tawagin ng amang si dating Pangulong Rodrigo Duterte si Marcos bilang “bangag” kasabay ng isang anti-Charter change rally sa Davao City noong Enero.
Ayon kay ACT Teachers Rep. France Castro, batid niya na prerogative ng Pangulo na pumili ng mga miyembro ng kanyang Gabinete, kahit na kasama dito ang “someone who undermines him and not wholehearted” sa pagpapakita ng suporta.
Ani Castro, nais ng ACT na ang pwestong inuupuan ni Sara Duterte ay mapunta sana sa taong kwalipikado at may karanasan sa education sector.
“If he (the President) were to replace his secretary, then he should get someone he should have gotten in the first place: someone who knows education and whose decisions actually better the sector,” anang mambabatas.
“But one thing is for sure: the rift between the Marcoses and the Dutertes have really gone off the deep end, and the former ‘Uniteam’ has been disunited—buwag na buwag na (demolished),” dagdag ni Castro.
Ani ACT chair Vladimer Quetua, dapat pagtuunan ni Duterte ang kanyang pagiging education secretary.
“With or without their political feud or bickering, the truth is, the teachers are still looking for her response to the crisis (in the education sector),” sinabi ni Quetua.
“We think the more relevant matters would be neglected if VP Sara chooses to work on how her family will stay in power or secure the next elections,” dagdag pa niya.
“That’s why our challenge for the DepEd secretary remains … she should work on improving the state of education in the country.” RNT/JGC
