MANILA, Philippines – Isang solong bettor ang nanalo ng P15-milyong jackpot sa MegaLotto 6/45 draw ng Philippine Charity Sweepstakes Office nitong Lunes, Agosto 3, 2026.
Ang winning combination ay 27-29-34-08-32-36. Ayon sa PCSO, nabili ang winning ticket sa isang lotto outlet sa Negros Occidental.
Dumating ang pinakabagong jackpot win eksaktong isang buwan matapos manalo ang isa pang MegaLotto bettor ng mahigit P97 milyon.
Sinabi ng PCSO na isa sa 8,145,060 ang tsansa na manalo sa MegaLotto 6/45 jackpot, kung saan kailangang tamaan ang anim na numero mula sa 45.
Wala namang nanalo sa Grand Lotto 6/55 jackpot na iniulat na nagkakahalaga ng P110,8234,717.35 matapos walang makahula sa winning combination na 53-02-17-44-34-05. RNT
