MANILA, Philippines – Isa pang resolusyon na humihiling sa House Leadership na magkaroon ng House Inquiry sa nangyaring Tacloban school shooting ang inihain sa Kamara ni Navotas Rep Toby Tiangco.
Layunin ng resolusyon na alamin ang mga circumstances sa likod ng trahedya at tukuyin ang mga kakulangan sa mga batas ukol sa kaligtasan sa paaralan, regulasyon ng baril, proteksyon sa bata, at juvenile justice.
“The deaths of these young students are a tragedy that should never happen again. We owe it to the victims and their families to find out what went wrong and ensure that our schools remain safe places for our children.”paliwanag ni Tiangco.
Ayon kay Tiangco ang naganap sa Tacloban school ay ay nagpapakita ng problema ukol sa juvenile delinquency, madaling pagkuha ng baril, responsibilidad ng magulang, at ang pagiging epektibo ng mga programa para sa mga at-risk youth.
Binigyang-diin ng mambabatas na panahon na upang suriin kung sapat at maayos na naipatutupad ang mga kasalukuyang batas tulad ng Juvenile Justice and Welfare Act, Comprehensive Firearms and Ammunition Regulation Act, Anti-Bullying Act, at Mental Health Act.
“We must ask difficult questions. How did minors gain access to firearms? Were there warning signs that were missed? Are our schools adequately equipped to prevent and respond to these kinds of incidents? These are questions that Congress cannot ignore.”giit nito.
Kabilang sa mga tatalakayin sa pagsisiyasat ang mga school safety protocol, mga programang anti-bullying, mental health support, emergency response, at kung paano napunta sa kamay ng mga menor de edad ang mga armas.
Nilinaw naman ni Tiangco na ang hakbang na ito ay hindi lamang para sa pagpataw ng parusa kundi para sa mas malawak na solusyon.
“This is not simply about punishment. It is about prevention, accountability, rehabilitation, and ensuring that no other family has to endure this kind of heartbreak,” dagdag ng mambabatas.
Inaasahang makikibahagi sa planong pagdinig ang mga ahensya ng pamahalaan, opisyal ng paaralan, mga lokal na pamahalaan, child protection advocates, mental health professionals, at mga awtoridad upang makabuo ng mga reporma na magpoprotekta sa mga mag-aaral na Pilipino. Gail Mendoza
