MANILA, Philippines- Asahan na ng mga biyahero ang mas mababang airfares sa susunod na buwan sa pagbaba ng fuel surcharge sa Level 4 mula sa kasalukuyang Level 5, ayon sa isang low-cost airline nitong Biyernes.
“The reduction to Level 4 next month means that guests can now anticipate lower fees ranging PH117 and PHP342 for domestic flights and PHP385.70 and P2,867.82 for international flights, depending on the destination,” pahayag ng AirAsia Philippines.
Sa ilalim ng Level 5, ang fuel surcharge fees ng AirAsia ay pumapalo mula P151 hanggang P542 para sa domestic flights, at mula P498.03 hanggang P3,703.11 para sa international flights, depende sa distansya.
“We welcome any initiative that stimulates travel demand while providing our passengers with the best value through promotional fares,” pahayag ng AirAsia.
Sa abiso, sinabi ng Civil Aeronautics Board (CAB) na ang airlines na nais magpatupad o mangolekta ng fuel surcharge para sa parehong period ay dapat maghain ng aplikasyon sa opisina ng executive director sa effective period o bago sumapit ito. RNT/SA
