Temperatura sa Baguio City bumaba sa 9°C

MANILA, Philippines – Bumaba sa 9 degrees Celsius ang temperatura sa Baguio City, pinakamalamig sa lungsod ngayong taon.

Ayon sa PAGASA, ito ay dahil sa malakas na pag-iral ng Amihan na nagdadala ng malamig na temperatura lalo na tuwing madaling araw.

Ngayong linggo ay naglaro lamang sa 13 °C hanggang 13.4 °C ang pinakamababang temperatura sa Baguio City. RNT/JGC